Wellington
Terug na hoofblad

Groot padfiets-uitdaag in die Paarl

Duisende fietsryers word verwag by die Bouckaert-Soenen padfiets-uitdaag in die Paarl op Sondag 4 Februarie.

Die wedren, georganiseer deur Paarl Rotariërs, word gehou onder die toesig van die Trapkragvereniging (PPA) en begin by die De Poort Erfenis-sentrum in Pinestraat, Paarl.

Daar is drie padrenne rondom Paarlberg daardie dag, oor 23 km, 72 km en 46 km. Die lang roete oor 123 km is geskik vir liga-ryers en meer ervare fietsryers.

Dit is ook ʼn keuringsren vir die Kaapstad Fietstoer 2019.

Deelnemers ry deur Wellington, Hermon en Riebeek-Kasteel met ʼn kwaai opdraand oor die Botmanskloofpas. Daarna keer hulle via Voor-Paardeberg terug oor Agter-Paarl na die eindpunt in Suider-Paarl.

Die 72 km roete sny Hermon en Riebeek-Kasteel uit en keer via Voor-Paardeberg en Agter-Paarl terug na Suid-Paarl.

Die kort 46 km roete lei direk om Paarlberg sonder moeilike opdraandes.

Dit sluit by die R44/Paardeberg kruising aan by die ander roetes en lei ook via Agter-Paarl terug na die eindpunt.

Dit is ʼn pretrit vir die hele familie, en vermaak en kosstalletjies wag by De Poort.

Families moet kennis neem dat geen onder 16s die 123 km roete mag ry nie, geen onder 14s mag die 72 km roete ry nie, en onder 12s moet van ʼn volwassene vergesel word op die 46 km roete.

Besoek www.paarlrotary.co.za om in te skryf.

Die opbrengs word aangewend vir kleuterontwikkelingsprojekte ondersteun deur Paarl Rotariërs. Vir navrae, skakel Dave Moss by 082 575 4063.

Jou Goeie Nuus - Gratis - Koerant met 'n Verskil in die Swartland - Ons dien en bou © die courant hou kopiereg op alle inhoud van hierdie webwerf en geen deel daarvan mag sonder die bestuur se toestemming gekopieer word nie.